Luister na die voorlesing:
God se Grootheid
Die Here is groot, alle lof kom Hom toe, sy grootheid is ondeurgrondelik.
Bruilofsmaal
Heer, my dogter het getrou, ons het bruilof gehou.
Ons het uitnodigings gestuur
vir dié,
saam wie ons fees wou vier.
Sommiges antwoord ja,
ander sê nee;
Party het geen
antwoord gegee.
Ons gaan toe voort
om plek voor te berei;
net toe party –
‘n dag voor die fees –
laat weet hulle sal ook
graag daar wil wees.
My hart word seer,
ek moet sê “Nee.
Jy het nie betyds laat weet.”
Hulle mor en brom.
Ek sê: “Goed, jy kan maar kom.
Maar moenie brom,
as ek jou opjaag
om plek te maak vir dié,
wat betyds laat weet het nie.”
Hulle praat nie met my.
Hulle het ander dinge gedoen –
té laat vir my gesê
dat hulle graag deel aan
die bruilof wou hê…
Hul vermoeilik my taak,
tog maak hulle vir my saak.
Ek wou hulle so graag daar hê,
maar nou is dit te laat…
Dit was fisies onmoontlik vir my
om vir hulle plek gereed te kry.
Jesus, ek verstaan nou
hoe dit vir U moes wees,
toe U ons uitgenooi het
na U fees.
Ons stel nie baie belang,
het beter dinge om te doen –
dan moet ons maar
met die vuur versoen?
Heer Jesus, ek wil my nou al graag verbind
om deel van U feesmaal te wees.
Om U te loof en prys met my hele gees.
In U liefde, Heer, bestaan in my geen vrees,
dat U my sal verbied tot U bruilofsfees!
Heer, laat ek vir ewig tot U dankbaar wees;
Met oneindige dankbaarheid in my,
vier ek met U fees!
Hallelujah!!!
©️ Glenn Kahts
Deel gerus met familie en vriende of op jou sosiale media….
Bladsy url: https://www.rethinkingfamilies.com/bruilofsmaal-gk
of gebruik die sosiale media knoppie hieronder…
Jy is baie welkom om terugvoer in die kommentaar afdeling te gee.
Baie mooi, toepaslike gelykenis in hierdie gedig.
Gevoelvolle voorlesing.
Dankie.
Ek stem saam met jou Elizabeth – en dis so besonderse mooi gedig van Glenn Kahths soos voorgelees deur Margaret Bennett wat ons meevoer in die gedig se aanbiding en lofprysing.